Volume 13. Stampati - Varie pag. 325
Volume 13. Stampati - Varie pag. 325
I tre Mesi di Maggio
Piissima erga Dei Genitricem devotio ad impetrandam gratiam pro articulo mortis ex Seraph. Doct. D. Bonaventura deprompta [Tributo quotidiano]
{133} Psalm. CLXVI.
Deus misereatur nostri, et benedicat nobis: * per illam, quae eum genuit.
Miserere nostri, Domina, et ora pro nobis: * in laetitiam bonam converte mœstitiam nostram.
Illumina me, Stella maris: * clarifica me, Virgo clarissima.
Extingue ardorem cordis mei: * refrigera me gratia tua.
Protegat me semper gratia tua; * praesentia tua illustret finem meum.
Gloria Patri, &.
Ant. - Protegat me Domina, gratia tua semper; * et praesentia tua illustret finem meum.
Ant. - Assiste, Domina.
Psalm. LXXII.
Quam bonus Israel Deus: * his, qui Matrem suam colunt, et venerantur.
Ipsa enim est solatium nostrum: * in laboribus subventio optima.
Obtexit caligine animam meam hostis; * in visceribus meis, Domina, lucem fac oriri.
Avertatur a me ira Dei per te; * placa eum meritis, et precibus tuis.
In judicio pro me assiste; * coram eo suscipe causam meam, et mea sis advocata.