Volume 13. Stampati - Varie pag. 330
Volume 13. Stampati - Varie pag. 330
I tre Mesi di Maggio
Piissima erga Dei Genitricem devotio ad impetrandam gratiam pro articulo mortis ex Seraph. Doct. D. Bonaventura deprompta [Tributo quotidiano]
extremis; * et formositas faciei tuae laetificet egredientem spiritum meum.
Excita spiritum meum ad amandum bonitatem tuam: * excita mentem meam ad extollendam nobilitatem, et pretiositatem tuam.
Libera me ab omni tribulatione mala; * et ab omni peccato custodi animam meam.
Gloria Patri, &.
Ant. - Gratiosus vultus tuus mihi appareat in extremis: et formositas faciei tuae laetificet egredientem spiritum meum.
Ant. - Qui speraverit.
Psalm. XC.
Qui habitat in adjutorio Matris Dei, * in protectione ipsius commorabitur. /
{138} Concursus hostis non nocebit ei, * sagitta volans non tanget eum.
Quoniam liberabit eum de laqueo insidiantis * et sub pennis suis proteget eum.
Clamate ad illam in periculis vestris; * et flagellum non appropinquabit tabernaculo vestro.
Fructus gratiae inveniet, qui speraverit in illa: * porta Paradisi reserabitur ei.
Gloria Patri, &.
Ant. - Qui speraverit in te Domina, inveniet fructus gratiae: et porta Paradisi reserabitur ei.
Ant. - Suscipe.