Feria quinta

Ave Maria

Illumina oculos, ut pag. 123.
Ant. - Conforta Domina.


Psalm. C.

Misericordiam, et judicium cantabo tibi Domina: * psallam tibi in exultatione cordis cum laetificaveris animam meam.
Laudabo nomen tuum, et gloriam tuam: * et praestabis refrigerium animae meae.
Zelatus sum amorem, et honorem tuum; * ideo defendas causam meam ante Iudicem saeculorum.
Allectus sum gratia, et bonitate tua; * oro ne frauder a spe, et confidentia bona.
Conforta animam meam in novissimis: * et in carne ista fac me conspicere Salvatorem.
Gloria Patri, &.
Ant. - Conforta, Domina, animam meam in novissimis: et defende causam meam ante Judicem saeculorum.
Ant. - Da, Domina. /