{151} Canticum / S. Bonaventuræ
ad / Beatam Virginem

----------

Te Matrem Dei laudamus, te Mariam Virginem profitemur.
Te Æterni Patris Filiam omnis terra veneratur.
Tibi omnes Angeli, et Archangeli; tibi Throni, et Principatus fideliter deserviunt.
Tibi omnes Potestates, et omnes Virtutes Cœelorum, et universae Dominationes obediunt.
Tibi omnes Chori tibi Cherubim et Seraphim exultantes assistunt.
Tibi omnis Angelica creatura incessabili voce proclamat.
Sancta, Sancta, Sancta Maria Dei Genitrix, et Mater, et Virgo.
Pleni sunt Cœli, et Terra Majestatis gloriæ Fructus Ventris tui.
Te gloriosus Apostolorum Chorus, sui Creatoris Matrem collaudat.
Te Beatorum Martyrum cœtus candidatus, Christi Genitricem glorificat.
Te gloriosus Confessorum exercitus, Trinitatis Templum appellat.
Te Sanctarum Virginum chorea amabilis, Virginitatis, et humilitatis exemplum praedicat.
Te tota Cœlestis Curia Reginam honorat.
Te per universum Orbem Ecclesia invocando concelebrat.