Pro feria II.
Oratio S. P. N. Francisci, in Opus. fol. 19.

Absorbeat, quaeso, Domine, mentem meam ab omnibus, quæ sub Cœlo sunt, ignita, et melliflua vis amoris tui; ut amore amoris tui moriar; quia amore amoris mei dignatus es mori. Per temetipsum Dei Filium, qui cum Patre, etc.


Pro feria III.
Oratio S. P. N. Francisci, in Officio Passionis

Sancta Maria Virgo, non est tibi similis nata in mundo in mulieribus, Filia, et Ancilla Altissimi Regis Patris Cœlestis; Mater Santissima (!) Domini nostri Jesu Christi, Sponsa Spiritus Sancti; ora pro nobis cum S. Michaele Archangelo, et omnibus Sanctis, tuum sanctissimum Filium dilectissimum Dominum nostrum, et Magistrum. Amen.


Pro feria IV.
Oratio Seraphici D. D. Bonaventurae, in Psalt. B. V.

Omnipotens, sempiterne Deus, qui pro nobis de Carissima Virgine Maria nasci dignatus es: fac nos tibi casto corpore servire, et humili mente placere: qui vivis et regnas, etc.