Volume 13. Stampati - Varie pag. 318
Volume 13. Stampati - Varie pag. 318
I tre Mesi di Maggio
Piissima erga Dei Genitricem devotio ad impetrandam gratiam pro articulo mortis ex Seraph. Doct. D. Bonaventura deprompta [Tributo quotidiano]
Mitte Angelum in occursum ejus; * per quem ab hostibus defendatur. /
{127} Ostende ei serenissimum Judicem saeculorum: * qui ob tui gratiam veniam ei largiatur.
Sentiat in pœnis refrigerium tuum: * et concede ei locum inter electos Dei.
Gloria Patri, &.
Ant. - Ne projicias nos, Domina, in tempore mortis nostrae, sed succurre animae, cum deseruerit corpus suum.
Ant. - Esto Domina.
Psalm. XXIV.
Ad te, Domina, levavi animam meam; * in judicio Dei tuis precibus non erubescam.
Neque illudant mihi adversarii mei; * etenim praesumentes de te roborantur.
Non praevaleant adversum me laquei mortis: * et castra malignantium non impediant gressus meos.
Collide impetum eorum in virtute tua: * et cum mansuetudine occurre animae meae.
Ductrix mea esto ad patriam; * et me cœtui Angelorum digneris aggregare.
Gloria Patri, &.
Ant. - Esto, Domina, ductrix mea ad patriam, et in die mortis meae occurre cum mansuetudine animae meae.