Volume 13. Stampati - Varie pag. 317
Volume 13. Stampati - Varie pag. 317
I tre Mesi di Maggio
Piissima erga Dei Genitricem devotio ad impetrandam gratiam pro articulo mortis ex Seraph. Doct. D. Bonaventura deprompta [Tributo quotidiano]
Ant. - Protegat nos dextera tua, Mater Dei: et da refrigerium, et solatium animabus nostris.
Ant. - Deduc me. /
{126} Psalm. III.
Domina, quid multiplicati sunt, qui tribulant me? * In tempestate tua persequeris, et dissipabis eos.
Dissolve colligationes impietatis nostrae: * tolle fasciculum peccatorum nostrorum.
Miserere mei, Domina, et sana infirmitatem meam: * tolle dolorem, et angustiam cordis mei.
Ne tradas me manibus inimicorum meorum: * et in die mortis meae conforta animam meam.
Deduc me ad portum salutis: * spiritum meum redde Factori, et Creatori meo.
Gloria Patri, &.
Ant. - Deduc me, Domina, ad portum salutis, et in die mortis meae conforta animam meam.
Ant. - Ne projicias.
Psalm. XIX.
Exaudias nos, Domina, in die tribulationis; * et precibus nostris converte clementem faciem tuam.
Ne projicias nos in tempore mortis nostrae: * sed succurre animae, cum deseruerit corpus suum.