Psalm. CXXX.

Domina non est exaltatum cor meum; * neque sublimati sunt oculi mei.
Benedixit te Dominus in virtute sua, * qui per te ad nihilum redegit inimicos nostros.
Benedictus sit qui te a peccato originali praeservavit, * et mundam de Matris utero te produxit /
{148} Benedictus sit qui te obumbravit, * et sua gratia te fœcundavit.
Benedic nos, Domina, et conforta nos in gratia tua, * ut per te ante conspectum Domini praesentemur. Gloria Patri &.
Ant. - Conforta nos, Domina, in die mortis ut per te ante conspectum Domini praesentemur.
Ant. - Respiremus.


Psalm. CXXXIV.

Laudate nomen Domini, * benedicite nomen Mariae Matris ejus.
Mariae precamina frequentate, * et suscitabit vobis voluptates sempiternas.
In anima contrita veniamus ad illam, * et non stimulabit nos cupiditas peccati.
Qui cogitat de illa in tranquillitate mentis, * inveniet dulcorem, et requiem pacis.
Respiremus ad illam in omni actione nostra, * et reserabit nobis atria triumphantium.