Gloria Patri, &.
Ant. - Respiremus ad Mariam in die mortis nostrae, et reserabit nobis atria triumphantium.
Ant. - In quacumque.


Psalm. CXXXVII.

Confitebor tibi, Domina, in toto corde meo, * quia per te expertus sum clementiam Jesu Christi.
Audi, Domina, verba mea, et preces meas, * et in conspectu Angelorum cantabo tibi laudes. /
{149} In quacumque die invocavero te, exaudi me: * et multiplica virtutem in anima mea.
Confiteantur tibi omnes tribus, et linguae, * quia per te salus restituta est nobis.
Ab omni perturbatione libera servos tuos: * et fac eos vivere sub pace, et protectione tua.
Gloria Patri, &.
Ant. - In quacumque die invocavero te, Domina, exaudi me: et multiplica virtutem in anima mea.
Ant. - Hostis meus.


Psalm. CXLI.

Voce mea ad Dominam clamavi; * ipsamque humiliter deprecatus sum.
Effundi in conspectu ejus lacrymam meam: * et dolorem meum sibi exposui.